Når kan du få lavare barnehagepris?

Søskenmoderasjon

Familiar med meir enn eitt barn i barnehagen betalar ikkje full pris for alle barna. Det blir trekt frå 30 prosent frå månadsprisen for barn nummer to, og gratis plass frå barn nr. 3 og om du har fleire barn. Det er ikkje nødvendig å søke om søskenmoderasjon, men pass på at det er same forelder/føresett som står oppført som "Føresett 1" på alle barn i foreldreportalen (der du søkte plass). 

Dei med lav inntekt kan få lavare pris

Hushaldningar med lav samla årsinntekt (eigen inntektsgrense vert regulert av Stortinget) ha rett til redusert foreldrebetaling. Dersom søknaden om redusert pris blir godkjent, gjeld det for eitt barnehageår om gongen. Du må derfor søke på nytt kvart barnehageår. For søknader som kjem inn før 1. august, vil reduksjon gjelde heile barnehageåret. For søknadar som kjem inn etter 1. august, vil reduksjonen gjelde frå neste heile månad. NB! Søknaden vil ikkje bli behandla før dokumentasjonen er fullstendig. Inntektstgrensa er frå 1. august 2024 ei samla bruttoinntekt på kr. 366 667,-.

Alle 2- 3- 4- og 5-åringar og barn med utsett skulestart, som bur i hushaldningar med lav inntekt, har rett til å få 20 timar gratis opphaldstid i barnehage pr. veke. Dette blir kalla gratis kjernetid. Frå 1. august 2024 er inntektsgrensa kr. 642.700,-.

Alle som har rett til gratis kjernetid, har også rett til redusert foreldrebetaling.

Her kan du søke om redusert betaling. (ekstern lenke til Ålesund kommune)

Spørsmål om faktura og betaling for barnehageplass

Barnehageplassen forfell til betaling den 1. kvar månad. Vi oppfordrar til å opprette eFaktura. Dersom du ikkje opprettar eFaktura, vert faktura sendt til epostadressa du har oppgitt i søknadsportalen. 

Kva skjer dersom du ikkje betalar for barnehageplassen?

Dersom betalinga ikkje er i orden, vil ikkje barnet få behalde plassen. Vi sender varsel ved manglande betaling. Dersom det uteståande beløpet ikkje vert betalt innan fristen, sender vi kravet til inkasso. 

Prisar

100 % plass kr. 2 000,- pr. mnd.
Matpengar kr. 360,- pr. mnd.