På bileta kan du sjå litt korleis det kjem til å bli i våre nyoppussa lokaler. (Illustrasjonsfoto Lekolar). Vi er opptatt av å skape rom i rommet, som gir små krypinn der borna kan leike meir skjerma og konsentrert. Møbler og leiker skal inspirere til tradisjonell leik, samstundes som miljøet gir høve til utforsking og kreative uttrykk. Vi tenkjer det er positivt at møblane kan fungere både til leik og kvile, og at der også er rom for fysisk utfalding. Avdelingane vil ha både lave og høge bord og stolar, slik at born i alle aldrar skal kunne meistre og medverke på eiga hand.