Born utnyttar ofte snøen til positiv leik på eiga hand, men kva er vel betre enn vaksne som er med å lagar fantasifulle snømenn, vakre snøenglar på bakken eller superfart i akebakken…?
Leik i snø gir mykje fart og moro, og er fantastisk utgangspunkt for å skape eit inkluderande fellesskap for alle.
Personalet i barnehagen er viktige rollemodellar for at borna får gode opplevingar ute i naturen heile året. I Plassebakken barnehage er vi spesielt opptatt av å bruke naturen som arena for leik, undring, utforsking og læring. Det å bruke snø som byggemateriale kan til dømes legge grunnlag for både matematiske erfaringar, estetiske opplevingar og utforsking av naturfaglege fenomen. Dette krev kompetente vaksne som har tid og evne til å knytte kvardagslege aktivitetar til utforsking og læring.
